Կյանքի դժվարին պահերը

 

45.jpgԼինու՞մ են Ձեզ մոտ կյանքում այնպիսի օրեր կամ պահեր, երբ Դուք պարզապես չգիտեք, թե ինչ անել: Երբ թվում է, թե հնարավոր չէ հասկանալ` ինչ է կատարվում, ինչու է դա կատարվում հենց Ձեր կյանքում, երբ առաջանում է կատարյալ անկարողության և փակուղու զգացողություն: Դա կյանքի դժվարին պահերն են և դրանք լինում են բոլորի մոտ: Եթե Ձեզ թվում է, որ դա Ձեր մասին չէ, ապա Դուք այդքան էլ անկեղծ չեք ինքներդ Ձեզ հետ: Երբ մարդ հաճախ է ասում, որ նա լիակատար երջանիկ է, նրա մոտ ամեն ինչ գերազանց է՝ դա ցնորք է, զարգացման սեփական ռեսուրսները տեսնելու դժկամություն: Միգուցե, ամեն դեպքում, ինչ-որ մի բան խանգարո՞ւմ է Ձեզ լինել երջանիկ: Եթե Ձեզ թվում է, որ դա շատ է, ապա Դուք ճիշտ ուղու վրա եք: Մարդու կյանքի իրական պատկերը սա է. երբեմն կյանքը չի ընթանում այնպես, ինչպես ցանկալի կլիներ: Այդ պահերին մենք սկսում ենք մեղադրել ինքներս մեզ կամ ուրիշներին: Կոնֆլիկտ է առաջանում «Ես չգիտեմ ինչ անել» զգացողության և «Ես պետք է դա հաղթահարեմ» դիրքորոշման միջև: Այդ պահերին շատ կարևոր է սեփական անձին աջակցելն ու կարեկցանքով վերաբերվելը: Պարզապես խոստովանել, որ տանջվում եք, ցավալի է, և իսկապես չգիտեք, թե ինչ անել: Միաժամանակ հիշեք, որ, եթե Ձեր կյանքում «սև ժամանակաշրջան է», ապա դա  չի նշանակում, որ Դուք դժբախտի մեկն եք:  Եթե մենք կյանքի դժվարին պահերին ինքներս մեզ կամ ուրիշներին ըմբռնումով ենք վերաբերվում, ապա ավելի թեթևացած ենք զգում մեզ:
Թույլ տվեք ինքներդ Ձեզ զգալ հիասթափություն, թուլություն, տխրություն, և այդ ժամանակ հնարավորություն կունենաք հաղթահարել այդ ամենը: Պետք է համարձակություն ունենալ, որպեսզի ինքդ քեզ այդ պահերին ասես. «Սա իմ կայնքի մի մասն է, և ես սիրում եմ իմ կյանքի այդ մասը: Ես չգիտեմ` ինչ անել տվյալ պահին: Ես զգում եմ, որ դա իմ խնդիրն է և ես ընդունում և սիրում եմ ինձ հենց այսպիսին»:
Դեռ անցած դարի կեսերին սթրեսի տեսության հեղինակ Գանս Սելիեն գրել է. «Սթրեսը այն չէ, ինչ մեզ հետ կատարվում է, այլ այն է, թե ինչպես ենք մենք դրան վերաբերվում»: Հիանալի խոսքեր: Իսկապես, կյանքում լինում են պահեր, որոնք մենք չենք կարող փոխել, բայց կարևոր է հիշել, որ մենք միշտ կարող ենք փոխել մեր վերաբերմունքը դրանց հանդեպ, և դա հենց մեր պատասխանատվությունն է: Նման իրավիճակներում շատ կարևոր է հանգստություն պահպանել, դրանում օգնում է «հետևող» լինելը:  Ձեզ երբևէ  հաջողվե՞լ է «հետևել» ինքներդ Ձեզ: Դա նշանակում է` երբեմն հարկավոր է իրավիճակին նայել կողքից, հատկապես, երբ Դուք սրտնեղած եք կամ հիասթափված, կամ առաջադրանքը, որը դրված է Ձեր առջև, Ձեր ուժերից վեր է թվում, և Ձեզ թվում է՝ Դուք «խրվել եք»: Երբ Ձեզ հաջողվում է իրավիճակին «միանալու» փոխարեն «կողքի անցնել» և սկսել հետևել, թե ինչ է կատարվում իրականում, Դուք ինքներդ Ձեզ կարող եք ասել. «Սրա մեջ կա մի բան, ինչին ես կցանկանայի հասնել, կամ մի բան, որից կցանկանայի խուսափել: Որոշակիորեն դրանում կա իմ պատասխանատվությունը, որ ինչ-որ բան է եղել, և ես կարող եմ որոշ եզրակացություններ անել»: Ցավոք, հաճախ մենք ավելի ուշ ենք գիտակցում, թե ինչ է պատահել մեզ հետ, և արդեն ուշ է լինում, և այլևս ոչինչ փոխել հնարավոր չէ: Կողքից հետևողի առավելությունը կայանում է նրանում, որ Դուք կատարվածը նկատում եք միանգամից և այդ պահին Դուք կարող եք անել ինչ-որ բան իրավիճակը շտկելու համար: Հաջորդ անգամ, երբ զգաք, որ վշտացել եք, փորձեք <<անջատվել>> սեփական զգացումներից և «կողքից հետևել» ինքներդ Ձեզ: Այս մեթոդը անվանում են նաև «իջնել հանդիսասրահ» և նայել ինքդ քեզ կողքից, ինչպես կինոսրահում: Երբեմն օգտակար է ինքդ քեզ հարցնել. «Ինչո՞վ ես կկարողանայի օգնել այն մարդուն, ով այդպիսի հարցով գար ինձ հետ խորհրդակցելու»: Նաև անհրաժեշտ է բացառել ցանկացած գնահատական: Մենք չգիտենք՝ դա լավ է, թե վատ: Դա ուղղակի ճշմարտությունն է: Երբեմն որոշ իրադարձություններ ամբողջ կյանքի աղետ են թվում, իսկ հետո, ժամանակի ընթացքում մենք հասկանում ենք, որ այդպես էլ պետք է լիներ: Դա իրադարձությունների զարգացման լավագույն տարբերակն էր: Եթե Դուք այսօր անհաջողություն կրեցիք, ապա  հնարավոր է` բարին դա էր: Միգուցե Դուք հիմա Ձեր կարգավիճակին և նպատակներին նորովի կնայեք, և Ձեր առջև նոր և ավելի հետաքրքիր հնարավորություններ կբացվեն: Հավատացյալ մարդիկ այդ առումով ասում են. «Մի դուռը փակվում է, մյուսը՝ բացվում»:
Թույլ մի՛ տվեք Ձեզ ուրիշներին քննադատել կամ զոհի տեղ դնել ինքներդ Ձեզ: Միշտ օգտակար է առողջ հետաքրքրասիրությունը. «Ինչպե՞ս ես այսպիսի իրավիճակ ստեղծեցի: Ինչու՞ դա տեղի ունեցավ իմ կյանքում»: Միայն նման դիքորոշմամբ հնարավոր կլինի ինչ-որ բան փոխել և պատասխաններ գտնել տրված հարցերին:
Իհարկե, մենք ուրիշների բացթողումներն ու թերությունները ավելի հեշտությամբ ենք նկատում: Մերը տեսնելու և խոստովանելու համար անհրաժեշտ է գիտակցել և ցանկանալ զարգացնել սեփական բնավորության լավագույն գծերը: Մեր թերությունները ևս մարդկային բնության մի մասն են: Եթե ընդունում ենք մեր մարդկային բնությունը, ապա կարող ենք ընդունել նաև մեր բնավորության այն գծերը, որոնք փոփոխություն կամ պարզապես խոստովանություն են պահաջում: Դա կյանքի դժվարին պահերը հաղթահարելու կարևորագույն քայլերից է: Ամբողջական անհատականության որակներից մեկը սեփական անձի հետ գոյակցությունն է` ընդունելով քո բնական սահմանափակումները և գիտակցելով քո ուժեղ կողմերը:
Ինչ-որ տեղ ես կարդացել եմ, որ մեր կյանքի ամենաիմաստուն խոսքը «Ես չգիտեմ» արտահայտությունն է: Որքա՜ն ճշմարտություն կա  դրա մեջ: Չէ՞ որ մենք շատ բան չգիտենք, անգամ հնարավոր էլ չէ իմանալ ամեն ինչ: Երբեմն կարևոր է համակերպվել այն բանի հետ, ինչը դու չես կարող փոխել: Ինչ էլ որ լինի` պահպանեք հանգստություն: Մտածեք. արդյո՞ք իրատեսական է փոխել Ձեր դրությունը: Դա հասկանալ կարող եք միայն հոգեպես հանգիստ վիճակում: եթե դա դեռ հնարավոր չէ փոխել, ապա ասեք ինքներդ Ձեզ. «Այսպես  պատահում է, և թող դեռ այսպես լինի»: Իսկ եթե իրավիճակը հնարավոր է շտկել, առավելևս մի՛ հուզվեք, այլ մտածե՛ք և գործե՛ք:


Մեկնաբանություններ (18)

Lara
Մեկնաբանությունը թողել է 11-15-2012 At 03:44 am

Es hiacac em dzer kayqov.Shat hetaqrir u ogtakar hodvacner kan u voch miayn... Es im kyanqum dranq ogtagorcum em.

Arman
Մեկնաբանությունը թողել է 11-15-2012 At 04:35 am

Shat imastun mtqeri kareli e handipel ays saytum. Es shat baner sovoreci...

Milena
Մեկնաբանությունը թողել է 11-20-2012 At 02:28 am

Anchap shnorhakalutyun dzez nman kayqi, nman ogtakar u shaaat karevor hodvacneri hamar. Inc shaaat en dur galis u ognum, hatkapes` meditaciayi tesanyuter@. Ete shaaaat xndrem, cheq avelacni tesanyuteri qanak@. Dranq inc iskapes shat en ognum, shaaat shaaat. Xndrum em dranq avelacreq, lav?

Harmonia.am
Մեկնաբանությունը թողել է 11-20-2012 At 10:57 am

Հարգելի Միլենա, շատ ուրախ եմ, որ Ձեզ դուր է գալիս մեր կայքը)): Ինչ վերաբերում է տեսանյութերին, ապա նշեմ, որ դրանք, ինչպես նաև կայքում տեղակայված մյուս բոլոր նութերը մշտապես թարմացվելու են:

Milena
Մեկնաբանությունը թողել է 11-27-2012 At 03:10 am

Naxapes anchap shnorhakalutyun. Es anhamberutyamb kspasem dzer nor hodvacnerin ev tesanyuterin. Dranq iroq shaaaat lavn en. Mersi hargeliners.

ԱՆի
Մեկնաբանությունը թողել է 1-18-2013 At 09:06 am

Ինձ էլ շատ դուր եկավ կայքը, կային բազում նյութեր ինձ արդեն ծանոթ գրքերից: Շատ ուրախ եմ, թե չէ արդեն սկսել էի մտածել մենակ ինձ է հետաքրքրում հաջողության թեման :) Օտար լեզուներով անթիվ գրականություն կա, բայց հայերեն թարգմանված տեսնելը ուրիշ հաճույք ա: Շնորհակալ եմ կայքի ադմինիստրատորներին, նյութերի հեղինակներին և բոլոր նրանց, ովքեր նպաստում են դրականի տարածմանը :)

Harmonia.am
Մեկնաբանությունը թողել է 1-18-2013 At 09:37 am

Ձեզ նույնպես շնորհակալություն մեր աշխատանքն ըստ արժանվույն գնահատելու համար:)

Մեկնաբանությունը թողել է 7-28-2013 At 06:41 am

Xocqer chunem. Hianali e.

Harmonia.am
Մեկնաբանությունը թողել է 7-28-2013 At 07:34 am

Շնորհակալություն:

Մեկնաբանությունը թողել է 8-9-2013 At 09:07 am

Barev dzez. Es uzum em mi harcov ogneq ındz. Es chem haskanum ınc het ınch e katarvum. Es 21 tarekan em, amusnacac em, bayc ındz erjanik chem zgum u ayd patcharov hachax vichum em amusnus het.

Harmonia.am
Մեկնաբանությունը թողել է 8-13-2013 At 06:36 am

Բարև Ձեզ:
Հարգելի Մայա,
Ձեր հարցին պատասխանելու համար նախ և առաջ ճիշտ կլիներ պարզել, թե ինչ է Ձեզ համար երջանկությունը, արդյո՞ք կարողանում եք գնահատեք այն, ինչ ունեք այսօր և ուրախանալ դրանով: Երջանկությունն ամենից առաջ կախված է մեր ընկալումներից: Հնարավոր է, որ Դուք Ձեզ երջանիկ չեք զգում ընտանեկան կյանքում, որովհետև Ձեր ներկայիս ամուսնական կյանքը չի համապատասխանում այն պատկերացումներին ու ակնկալիքներին, որոնք Դուք ունեցել եք մինչ ամուսնությունը: Ինքներդ Ձեզ հարցրեք, թե ինչն է Ձեզ խանգարում երջանիկ զգալ, ինչ է Ձեզ անհրաժեշտ դրա համար:
Եթե Դուք մշտապես սպասեք, թե երբ են ուրիշները Ձեզ երջանկացնելու, Դուք հիասթափություն կապրեք: Այդ իսկ պատճառով ավելի լավ է երջանիկ լինելու նախաձեռնությունը վերցնեք Ձեր ձեռքը և ինքներդ սկսեք երջանկացնել Ձեզ շրջապատող մարդկանց:
Ինչ վերաբերում է Ձեր ամուսնու հետ ունեցած վիճաբանություններին, ապա փորձեք բացահայտորեն և անկեղծորեն քննարկել ծագող տարաձայնություններն ու կոնֆլիկտները, հասկանալ, թե ձեզնից յուրաքանչյուրն ինչ չբավարարված ցանկություններ ունի և ինչպես կարելի է դրանք լավագույն ձևով հաղթահարել: Շատ կարևոր է, որ ձեր անձնական խնդիրները քննարկեք առանց վկաների՝ նախապես ընտրելով ճիշտ տեղն ու ժամանակը:
Փորձեք ոչ միայն ինքներդ անկեղծորեն արտահայտվել, այլ նաև նրան ուշադիր լսել, հետաքրքրվել նրա վիճակով, հարցեր տալ, մտնել նրա դրության մեջ, կարեկցել նրան, հասկանալ նրա մտքերը, զգացմունքները և վարքի իրական դրդապատճառները, ինչպես նաև գիտակցորեն մեծացնել փոխադարձաբար հաճելի գործողությունների թիվը: Հոգատար վերաբերմունք, միմյանց ճիշտ գործողություններին հավանություն տալը, քնքշանք, ժպիտ, կատակ, հաճելի անակնկալներ, փոխզիջում՝ ահա գործողություններ, որոնք կարող են բազմաթիվ կոնֆլիկտներ կանխել…
Ցանկանում ենք Ձեզ անսահման սեր և երջանկություն:

Մեկնաբանությունը թողել է 8-9-2013 At 09:37 am

Miak saytn e, vor iroq harmonia e)). Aysor saytery voxoxvac en miayn ov um spanec, brnabarec, talanec!!! Chka hangsutyun. Bravo, lav kayq eq stexcel u stacvac e.

Harmonia.am
Մեկնաբանությունը թողել է 8-9-2013 At 12:09 pm

Շնորհակալություն: Շատ ուրախ ենք, որ Ձեզ դուր է գալիս մեր կայքը:)

Մեկնաբանությունը թողել է 8-9-2013 At 12:34 pm

Shat shnorakalutyun hetaqrqir hodvaci hamar.

 

Harmonia.am
Մեկնաբանությունը թողել է 8-9-2013 At 12:58 pm

Խնդրենք: Ձեզ նույնպես շնորհակալություն մեր կայքից օգտվելու համար:

Հերմինե
Մեկնաբանությունը թողել է 9-12-2014 At 01:06 pm

Hianali eeeeeeeeeeeeeeeeeeee

Ariana
Մեկնաբանությունը թողել է 11-16-2014 At 12:08 pm

Barev dzez. Shnorhakalutyun anchap hetaqrqir ev ogtakar nyuteri hamar.
Xndrum em ete hnaravor e indz xorhurd tveq. Es 17 tarekan em, im mi anmtacvac qayli patcharov es hima amachum em mardkancic, amachum em poxoc durs gal, kompleqsavorvum em, indz tvum e mardik an@ndhat im masin en xosum u banbasum. Inch anem ays vijakic durs galu hamar? Naxapes shnorhakalutyun.

Harmonia.am
Մեկնաբանությունը թողել է 12-1-2014 At 12:41 pm

Բարև Ձեզ: Հարգելի Արիանա, ցավոք, նամակագրական կապի միջոցով հնարավոր չէ արդյունավետ հոգեբանական օգնություն ցուցաբերել, քանի որ այն պահանջում է խորը հոգեբանական վերլուծություն և լուրջ աշխատանք: Ձեզ խորհուրդ կտանք դիմել հոգեբանի օգնությանը:

 

Թողնել Մեկնաբանություն
* Ձեր անունը:
* Ձեր Էլ-հասցեն:
(Ոչ հասանելի)
Կայք:
* Անվտանգության կոդ:
Security Image Փոփոխել
Հավաքեք տառերը և թվերը անվտանգության կոդից:
* Նամակ: